Andri Ívars er grínisti og gítarsnillingur og hefur starfað sem slíkur í tæpan áratug. Andri er þekktur fyrir að blanda tilþrifamiklum gítarleik inn í uppistandsrútínu sína sem skapar honum nokkuð afgerandi sérstöðu á Íslandi. Andri var um árabil meðlimur dúettsins Föstudagslögin með Stefáni Jakobssyni söngvara þungarokkshljómsvetarinnar Dimmu en dúettinn flutti grín í bland við “akústískar” útsetningar af þekktum lögum. Auk þess hefur Andri komið fram með uppistandshópnum Mið-Íslandi og sem upphitunaratriði fyrir Ara Eldjárn svo eitthvað sé nefnt.
- Uppistand, Veislustjórn
Andri Ívars
Upplýsingar og bókanir á bokanir@modurskipid.is
Uppistand
Uppistandsatriði Andra er 15-20 mínútna þéttur bræðingur af hans besta gríni. Um er að ræða stutt grín-lög og tónlistartengda brandara í bland við hefðbundið uppistand.
Veislustjórn
Andri er reynslumikill veislustjóri og dýnamískur eftir því. Sem veislustjóri blandar Andri saman uppistandi, tónlist og samkvæmisleikjum sem henta hverju tilefni fyrir sig.
Jólafínir/Árshátíðarfínir
Andri er meðlimur í stemmningsbandinu Jólafínir/Árshátíðarfínir sem tekur að sér að koma við í jólapartýinu, á árshátíðinni eða við önnur skemmtileg tilefni og hlaða í live-karíókí eða live-jólakaríókí fyrir hópinn.
Lifandi tónlist yfir kvöldverði
Andri tekur að sér að spila lifandi tónlist yfir kvöldverði, til dæmis á árshátíðum og veislum. Góð viðbót við veislustjórn.
Pub quiz
Andri mætir með pub quiz fyrir hópa, sérsniðna eftir þörfum. Hann vinnur helst með tónlistar-quiz þar sem hann spilar lagabút á gítar og fólk giskar á lagið.
