Ebba Katrín Finnsdóttir

Ebba útskrifaðist af leikarabraut Listaháskóla Íslands vorið 2018. Eftir útskrift bauðst Ebbu samningur við Borgarleikhúsið þar sem hún lék Emmu í Dúkkuheimili 2. hluti, Marínu í NÚNA 2019, Ófelíu og Laertes í Hamlet litla og Filippíu í söngleiknum Matthildi. Ebba var tilnefnd til Grímunnar 2019 fyrir leik sinn í Matthildi.

Síðastliðið ár hefur Ebba starfað við Þjóðleikhúsið. Fyrsta verkefni hennar í Þjóðleikhúsinu var hlutverk Uglu í Atómstöðinni í leikstjórn Unu Þorleifsdóttur. Önnur hlutverk á árinu voru Korovéf í Meistaranum og Margaríta og Hanna í barnasýningunni Þitt eigið leikrit II – Tímaferðalag. Ebba mun leika Júlíu í Rómeó og Júlíu undir leikstjórn Þorleifs Arnar í Þjóðleikhúsinu á næsta leikári.

Ebba lék annað aðalhlutverka í sjónvarpsmyndinni Mannasiðir eftir Maríu Reyndal sem sýnd var á RÚV páskana 2018 en myndin var valin besta leikna sjónvarpsefnið á Eddunni 2019. Einnig lék hún í kvikmyndinni Agnes Joy, þáttaseríunni Venjulegt Fólk 2 og Áramótaskaupi sjónvarpsins 2019.

Raddprufur