Sigurbjartur Sturla Atlason útskrifaðist af leikarabraut Listaháskóla Íslands vorið 2016. Í vetur leikur hann í Rómeó og Júlíu, Framúrskarandi vinkonu og Sem á himni í Þjóðleikhúsinu. Hann er jafnframt einn af höfundum tónlistar í Rómeó og Júlíu.
Sigurbjartur hefur leikið í íslenskum kvikmyndum og sjónvarpsseríum, m.a. Ófærð 2 og Lof mér að falla. Hann hefur leikið í þremur uppfærslum Íslensku óperunnar á undanförnum árum og söng aríu í Toscu í Eldborg.
Sigurbjartur leikstýrði Gíslasögu Súrssonar og Rómeó og Júlíu fyrir Herranótt. Hann leikstýrði net- og sjónvarpsseríum fyrir Stöð 2 og vefmiðilinn 101.live.
Sigurbjartur hefur einnig getið sér gott orð í tónlistarbransanum undir listamannsnafninu Sturla Atlas, gefið út fjölda platna og tónlistarmyndbanda og spilað stórum tónlistarviðburðum. Árið 2016 var hann útnefndur bjartasta vonin á Íslensku tónlistarverðlaununum. Sturla Atlas hefur komið fram víðsvegar á tónlistarhátíðum í Evrópu og Bandaríkjunum.
